Amedspor forma nû ya sezonê pêşkêş kir I NÛÇEYA VÎDEOYÊ

Amedspor, ku dê di demsala xwe ya yekem de di Lîga Super de cih bigire, amadekariyên xwe yên demsalê didomîne û fîlmê xwe yê danasînê yê nû yê sezonê bi fîlmekî danasînê pêşkêşî raya giştî kir.

Kirasê ku ji nirxên dîrokî û çandî yên Kurdistanê hatiye îlhamgirtin, sembolên ku nasname û erdnîgariya klûbê nîşan didin, hildigire.

Di fîlmê danasînê de dîwarên dîrokî yên Amedê, Hewza Dîcleyê û zebeşa wê; xaniyên kevirî yên Mêrdînê û kolanên wê yên dîrokî; Dêra Akdamarê ya li ser Gola Wanê; Hasankeyf û Pira Malabadiyê ya li Êlihê; Çiyayê Agirî; Pira Muratê ya Mûşê û deştên wê; Çiyayê Cudî yê Şirnexê û tevna xwezayî ya herêmê cih girtin.

Di fîlm de her wiha Şehmus Özer, kaptanê efsaneyî yê Amedspor ê di qezaya trafîkê ya 19'ê Kanûna Pêşîn a 2016'an de jiyana xwe ji dest da, û veguheztinên nû jî cih girtin.

Di fîlmê danasînê de çîroka kirasê bi van gotinên Kurdî hate vegotin:

"Ma reng tenê têne dîtin? Eger tu bi dil guh bidî, ew jî diaxivin. Zilxîte dikşînin. Bêyî govendê jî nabe. Stranan dibêjin. Kedê didin. Berxwe didin. Mezinahiya dîwaran diaxivin. Aîdiyetê diaxivin. Ruhê Mezopotamyayê diaxivin. Ew coşa li pişt armanê diaxivin. Destpêka çîrokê diaxivin."