Li Kurdistanê karesata jîngehê
Li Kurdistanê, wêrankirina ekolojîk sûceke sîstematîk ê dewletên dagirker ên herêmê ye. Ev sûc bi rêya şewitandina daristanan, birîna daran û hilweşandina xwezayê tê kirin, bi armanca rakirina rehên jiyanê, nasname û berxwedana gelê Kurd li ser axa xwe.
Xwendina rehet
"Ekosîd" ango wêrankirina sîstematîk a jîngehê, tê wateya hilweşandina bi qest, bi armanc û sîstematîk a xweza û jîngehê li herêmekê. Ev rêbaz, pir caran ji aliyê xwediyên desthilatê û dagirkeran ve wekî amûreke zextê li gelên bindest tê bikaranîn.
Li her çar perçeyên Kurdistanê jî, jîngeh ne tenê xweza ye; ew beşek ji nasnameya gelê Kurd, berxwedan û xweparastina wî ye. Ji ber vê yekê, rejîmên dagirker rasterast jîngeha Kurdistanê kirine armanc, da ku kokên jiyan û hebûna gelê Kurd li vê erdnîgariyê bişkînin.
Di nav van tawanan de, şevê borî ji aliyê rejîma Îranê ve bûyereke ekosîdê ya xeternak pêk hat û vê carê heta nav Herêma Kurdistanê jî belav bû. Li Çiyayê Goyce yê Silêmaniyê agirekî mezin derket û ajansa Tasnim a girêdayî Pasdaranên Şoreşa Îranê, ragihand ku ev êrîş bi eşkereyî ji aliyê Pasdaran ve hatiye kirin.
Bulten
Nûçeyên sereke e-postayê
Heftane hilbijartin — spam tune.
Kurdistan
