IBM teknolojiya çîpê ya nifşê nû ya 0,7 nanometreyê pêşkêş kir.

IBM, teknolojiya nîvraberan de qonaxeke nû wekî mîmariya çîpê ya 0,7 nanometre (nm) da nasandin. Şirketê diyar kir ku ev teknolojî dikare di nav pênc salan de bibe amade ji bo hilberîna girseyî.

Mîmariya nû dikare li ser çîpekî bi qasî neynûkê nêzîkî 100 milyar transîstoran bicîh bike. Ev tê wê wateyê ku tîrbûna transîstoran ji teknolojiya 2 nanometre ya ku di 2021’ê de hatibû nasandin û di dawiya 2025’ê de dest bi hilberîna girseyî kir, du qat zêdetir e.

Li gorî IBM’ê, çîpên nifşê nû dê li gorî pêvajoyên 2 nanometre yên heyî bi qasî %50 hêza pêvajokirinê zêdetir peyda bikin, û bi heman mîqdara enerjiyê dê 1,7 qat hesabên zêdetir bikin.

Bingeha vê pêşketinê mîmariya sê-alî ya "nanostack" e ku tê de transîstor li şûna qatekî yekane li ser hev tên bicîhkirin. IBM’ê diyar kir ku ev teknolojî dikare hem di pêvajoyên klasîk (CPU), hem di pêvajoyên grafîkî yên ku di sepanên îstixbarata sûnî de tên bikaranîn (GPU), û hem jî di çîpên bîranîna SRAM de were bikaranîn. Şirketê destnîşan kir ku mîmariya bîranînê ya nû dikare performansê bi qasî %40 zêde bike.

IBM’ê tekez kir ku di vê qonaxê de pêşaniya wî belavkirina teknolojiya 2 nanometre ye, lê plan dike ku mîmariya 0,7 nanometre bi modelek lîsansê pêşkêşî hilberînerên çîpan bike. Şirket pêşbînî dike ku ev teknolojî dikare rê li ber nîvraberên nifşê nû veke ku di pêşerojê de heta asta 0,1 nanometre pêşde biçin.