Amedî: Bêhna me nemaye, Serok Apo azad bibe

Li Meydana Îstasyona Amedê, bi daxwaza azadiya fizîkî ya Rêberê Gelê Kurd Abdullah Öcalan û bi dirûşma "Bi Rêberiya Azad re Civakeke Demokratîk" "Mîtînga Azadiyê" hate lidarxistin. Di mîtînga ku ji 7 heta 70î beşdariyeke zêde pêk hat de, welatiyan bal kişand ser pêwîstiya peydakirina azadiya fizîkî ya Rêberê Gelê Kurd Abdullah Öcalan di demeke nêz de.

Welatiyan azadiya fizîkî ya Abdullah Öcalan bi gotinên "Sebra me nemaye, bila azadiya fizîkî ya Serok Apo were peydakirin. Bes e, bes e, bes e" anîn ziman û behsa girîngiya têkoşînê di peydakirina azadiya wî de kirin.

Welatiyan bal kişand ser şerên domdar ên li Rojhilata Navîn û diyar kirin ku ji bilî aştiyê tu çareyeke Tirkiyeyê tune ye û ji bo vê yekê pêwîst e gavên xwe bi lez biavêje. Welatiyan bal kişand ser ku azadiya fizîkî ya Abdullah Öcalan azadiya gelan e û peyama "Bêyî azadiya Birêz Öcalan, tu kes nikare azad be" dan.