Partiya DEM'ê ji Doğan Hatun re daxuyanî da: Me sedemên wê bi berfirehî nirxand

DERBARÊ DOĞAN HATUNÊ DAXUYANÎ

Derbarê Daxwaza Vekişîna Hevserokê Şaredariya Bajarê Mezin ê Amedê Doğan Hatun:

Hevserokê Şaredariya Bajarê Mezin ê Amedê Doğan Hatun, berî demekê di serlêdana xwe ya li Desteya Me ya Rêveberiyên Herêmî yên Demokratîk de, bi parvekirina sedemên ku bingeha wan li ser sedemên di daxuyaniya xwe ya ji çapemeniyê re jî diyar kirine, ragihand ku dixwaze di çarçoveya Prensîba Vekişînê de ji erkê xwe derkeve.

Desteya me ji bo nirxandina vê daxwazê civiyaye û bi desteyên têkildar ên partiya me re li hev kom bûye; hem pratîka xebata du salên borî û hem jî sedemên serlêdanê bi awayekî berfireh nirxandine.

Berî her tiştî, hatiye nirxandin ku divê bi baldarî û birêkûpêk li ser pirsgirêkên tenduristiyê yên giran ên Hevserok Doğan Hatun ên di vê pêvajoyê de rû dane, bê rawestandin. Dema ku tundiya kar û berpirsiyariyên giran ên ku erk û xebata wî ya temsîl dike tê hesibandin, hatiye encamdan ku di van şert û mercan de ne mumkin e ku meriv bi van pirsgirêkên tenduristiyê re mijûl bibe.

Hevserok Doğan Hatun di daxuyaniya xwe de kêmasiyên xwe yên di zêdetirî du salan de rû dane diyar kiriye. Li gorî vê yekê, daxwaza Doğan Hatun a ji erkê derketinê di çarçoveya Prensîba Vekişînê de ji aliyê Desteya me û desteyên têkildar ên partiya me ve hatî pejirandin û qebûl kirin.