Seroka Şaxa Stenbolê ya ÇHD Ezgi Önalan hate girtin

Berîya civîna NATOyê, di operasyonên li Stenbolê de 43 kes hatin binçavkirin û birin Dadgeha Stenbolê ya li Çağlayanê. Di nav 43 endamên Komeleyên Ciwanên Şoreşger (DGD) û Tevgera Şoreşger de ku di operasyonan de hatin binçavkirin, seroka Şaxa Stenbolê ya Komeleya Dadwerên Hemdem (ÇHD) parêzer Ezgi Önalan, endamê komeleyê parêzer Yunusemre Işık, edîtorê nûçeyên derveyî yê T24 Buse Söğütlü û edîtorê Oda TV Ceren Erdoğdu jî cih digirin.

33 kesên ku parêzer Ezgi Önalan û Yunusemre Işık jî di nav de ne, bi daxwaza girtinê, 10 kesên ku rojnamevan Buse Söğütlü û Ceren Erdoğdu jî di nav de ne, jî bi daxwaza kontrola qezayî hatin şandin dadgeha sulhê ya cezayî.

Kesên ku bi daxwaza kontrola qezayî hatin şandin dadgehê, bi qedexeya derketina ji welat ve hatin berdan. Seroka Şaxa Stenbolê ya ÇHD parêzer Ezgi Önalan ji aliyê dadgeha ku pêşkêşî wê hate kirin ve hat girtin.