TJA'yê piştgiriya kampanyaya 'Rabin' dike: Emê têkoşînê berfireh bikin

Tevgera Jinên Azad (TJA) li Amedê kampanyaya 'Rabin' da xwestina xwe ya li dijî narkotîkê ragihand

Tevgera Jinên Azad (TJA) di çarçoveya kampanyaya "Rabin" a ku li dijî narkotîkê hatiye destpêkirin de, li navçeya Rêzan (Bağlar) a Amedê, li Parka Körhatê daxuyaniyek da. Di daxuyaniyê de pankarta "Wek jin dengê xwe bilind dikin: Na ji narkotîkê re, na ji tiryakê re, na ji fuhûşê û her tiştê ku rûmeta mirovî paşguh dike re" hate vekirin û bi gelemperî dirûşmên "Jin jiyan azadî" hatin gotin.

Daxuyaniya bi Tirkî ji aliyê Tülin Aydaş ve, bi Kurdî jî ji aliyê Arzu Kahraman ve hate xwendin. Di daxuyaniyê de hate diyarkirin ku li Kürdistanê bi dehsalan doma rewşa pevçûnê, koçên bi darê zorê û pratîkên ewlehiyê yên bingehîn bûne sedema wêraniyên kûr ên civakî. Hate gotin: "Têgihîştina serdest, di nêzîkbûna xwe ya bi pirsgirêka Kurd re de ji sed salî zêdetir e, hişmendiya asîmîlasyonî, ewlehiyê û siyaseta înkarê esas girtiye; bi van polîtîkayên ku pirsgirêkê paşguh dikin, bêçareseriyê ferz kiriye û ferz dike jî. Di pêvajoya dîrokî de, rêbazên cihêreng hatin bikaranîn da ku ziman, çanda gelê Kurd û îradeya wî ya jiyana azad li ser erdê xwe bişkînin; têkoşîna wî ya biryardar û berdewam a çareseriyê paşde bixin. Hikûmetên ku di dîroka Komarê de pey hev hatin, van polîtîkayan bi amûrên cihêreng domandine. Valakirina gundan mirov neçar kiriye ku koçî metropolên ku ziman û çanda xwe nizanin bikin; ev rewş, ji bilî krîzên kûr ên lihevhatina civakî, mirov ji mafê perwerdehiya bi kalîte jî mehrûm kiriye. Rastiya ku van stratejiyên ku bi salan e rasterast sivîl û avahiya civakî dike hedef, encama polîtîkayên 'şerê taybet' ên hatine sepandin e, îro bi awayekî zelal di nav civakê de hatiye hişmendîkirin. Di çarçoveya van polîtîkayan de, bi taybetî girêdayiya narkotîkê, ji bo jinan tabloyek pir giran û bi êş derdixe holê. Tacîz û tecawizên ku bi girêdayiyê re dibin sîstematîk, dibin sedema dûrxistina jinan, derxistina wan ji jiyana civakî û zêdebûna xwekujiyên jinan."

'EM WEK PIRSGIRÊKEKE TENÊ YA EWLEHIYÊ NABÎNIN'

Di daxuyaniyê de ku bal kişandiye ser birîndarbûna tevna civakî û kûrbûna hesta bêpêşerojiyê di nav ciwanan de li herêma ku krîzên ewlehiyê yên dirêj-mayî lê hene, hate gotin: "Di vê çarçoveyê de, di van demên dawî de bi taybetî li bajarên wek Amed, Elih, Wan û Şirnexê, daketina temenê bikaranîna narkotîkê astên krîtîk û belavbûna bikaranînê jî tê nirxandin. Bikaranîna narkotîkê ya ku bi giştî di nav ciwanan de belav dibe, li ser ciwanên jin encamên pir cihêreng û wêranker derdixe holê. Em, zêdebûna narkotîkê li herêmê wek pirsgirêkeke asayî ya ewlehiyê nabînin, lê wek encama polîtîkayên veşartî û taybet ên ku armanc dikin hişmendiya siyasî û civakî ya ciwanan pasîf bikin û avahiya civaka rêxistî belav bikin."

'EMÊ PİŞTGIRIYA BI JINAN RE MEZİN BİKİN'

Di daxuyaniyê de ku hate tekez kirin ku parastina jinên Kurd ji van polîtîkayên şerê pîs û taybet û dûrxistina wan ji wan girîngiyeke jiyanî ye, hate gotin: "Divê pêşîlêgirtina bandora civakê ji van polîtîkayan zêdetir, wek peywireke acîl were dîtin; ji bo avakirina civaka demokratîk û aştiyê, divê bi hemû beşên civakê re têkilî bên pêşxistin. Pêkanîna hevpeyivînên kesane bi jinan re û birêvebirina vê pêvajoyê bi pêşengiya Tevgera Jinên Azad, dê careke din rastiya ku hêza herî têkneber hêza rêxistî ye derxe holê."

Daxuyanî bi gotina "Karên me dê heta ku kolan ji gemarîbûnê bên paqijkirin berdewam bikin" û bi rûniştina çendekî ya nîv saetê û dirûşma "Bijî berxwedana jinê" bi dawî bû.