Li Wanê festîvala kedê ya jinan a 3 rojan dest pê dike

Li Wanê, ji bo pêşxistina ked û piştgiriya jinan, bi beşdariya 11 şaredariyan Festîvala Ked a Jinan a Hilberî (Hilberî Kadın Emeği Festivali) sibê dest pê dike. Festîval, bi beşdariya Rêya Armûşê (Îpekyolu), Tuşba, Artemêtan (Edremit), Erdîş (Erciş), Şax (Çatak), Ebex (Çaldıran), Serav (Saray), Bêgîrî (Muradiye), Payîzava (Gürpınar), Westan (Gevaş), Elbak (Başkale) û Qelqelî (Özalp) şaredariyan, bi pêşengiya Şaredariya Mîks (Bahçesaray) û jinên hilbijartî yên Şaredariya Mezin a Wanê tê lidarxistin.

Di festîvalê de kooperatîfên jinan, komên jinan, hilberînerên serbixwe û yekîneyên jinan ên rêveberiyên herêmî dê bicivin.

Berî festîvalê li Meydana Bajarê Wanê daxuyaniyeke hevpar a çapemeniyê hat dayîn. Di daxuyaniya çapemeniyê de hevşaredarên şaredariyên navçeyan, Parlamentera Wanê ya Partiya Wekhevî û Demokrasiya Gelan (DEM Parti) Gülderen Varli û gelek jin beşdar bûn. Hevşaredara Şaredariya Rêya Armûşê Canan Uzunay, bang li hemû jinên Wanî kir ku beşdarî festîvalê bibin.

Piştre, Hevşaredara Şaredariya Wanê Neslihan Şedal axaftineke kurt kir û got: "Em vê festîvalê ji bo parastina ked û xebata hemû jinan lidar dixin. Festîvala ku sibê tê lidarxistin, festîvala parastina ked û xebata hemû jinan e. Em bang li hemû jinên Wanî dikin ku beşdarî festîvala me ya 3 rojan bibin."